música pirateable en galego (emepegueca)

Alvízaras! 3.º castpost: Canción de verán

2006-10-24T19:23:00.000+02:00

Por fin, e tras unha dura loita cos soportes gratuítos, que nos fixeron pensar até en coller un dominio de noso, cousa que ao final imos ter que facer, velaquí o foquin (dise en Ribeira) podcast.

Programa 14. Canción de verán

Powered by Castpost

Mentres non teñamos dominio os programas van convivir xuntos dúas semanas namais, porque castpost só permite subir 100 Megas, e o mp3 que temos grava "demasiado" ben. Vimos de mercar outro, e a ver se grava un chisco peor e os programas poden botar na Rede máis tempo.

Unha aperta a todos/as os/as que tivestes a pacencia de agardar por este castpost.

Se descobres que a NASA che rouba os discos de cumbias

2006-10-13T20:18:00.000+02:00

Pois si, o noso programiña de radio xa superou en capítulos a'Os Novos, o que non quere dicir nada, máis ben que é unha mágoa que a BBC non lles desen máis cheda a Rick Mayall e os seus compinches. Imos a polo programa 15, esta noite, venres-sexta feira de 23:00 a 24:00, e estreamos versión web. A partir de agora podedes estar ao tanto da cultura dos emepegués, da música pirateable en galego e algunha achega doutras artes, en emepegues.blogaliza.org.

Por certo que, a partir da semana que vén, a emisión en directo, en Radio Kalimero, radio libre de Compostela, será de 22:30 a 23:30, media horiña antes que, coma sempre, seguro se ha converter en media horiña máis.

SDQ14: A Canción do Verán. 3.º podcast

2006-10-11T16:29:00.000+02:00

E aquí estamos. Agradecendo a insistencia, que nos matén coas pilas postas, de brangz, facémoslle caso. O terceiro disco de cumbias, de música galega en galego e de balde, non só rescatado, senón podcasteado no noso programa Se descobres que a NASA che rouba os discos de cumbias, xa está aquí. Para descargardes e escoitardes o programa tendes que ir aquí, o boletín de novas dos emepegués que vimos de estrear, na Blogaliza. Este novo vinilo rescatado vai da canción do verán, ese concepto.

Cara A:

1. In the ocean - Pulpiño Viascón

2. Kalindra Xida - Banda Potemkin
3. A Ruta do Colesterol - Banda da Señorita e Tomasa

4. Sandra Dee - The Homens
5. A das festas - Guezos
6. Como os caranguejos - Projecto Mourente

Cara B:

1. Kingston-Santiago - Transilvanians

2. O neno tesoira - Rumborrachera
3. Miña mulata - As perlas sureñas
4. Jran Sol - Masando Pulpos
5. O iogur de fresa - Marquiños Drinkin'
6. O neno petaca - Galegoz

Pois estas foron as cántigas máis destacadas segundo a votación popular e a privada no Apologhit, unha iniciativa de creación e difusión de música libre en galego que dende aquí apoiamos con toda a alma.

SDQ13: Disco de Cumbias. 2.º castpost

2006-06-12T19:45:00.000+02:00

Pois, por fin, o programa Se descobres que a NASA che rouba os discos de cumbias (se non o descobres, non) recuperou o vinilo menos metonímico de todos, o das cumbias xustamente. É dicir, a música de fusión galego-caribe, coma traído polo Santa Liberdade, o barco que traía e levaba xentes e ideas e músicas entre Vigo e Caracas. Música en galego do Caribe.

Powered by Castpost

Cara A
1. Cumbia china - Os Resentidos
2. Selección Ska - Xenreira
3. Bella Ciao - Festicultores
4. Watercumbia - Lamatumbá
5. Santa Liberdade - Os Tres Trebóns e O Vendaval do Rosal
6. Terra a dentro - Guezos

BONUS TRACK: Galicia-Brasil 1 e Galicia-Brasil 2, de Manu Chao, Viña e Mercedes Peón

Cara B
1. Tumbao - Os Resentidos
2. Celtas - Kogito
3. Leven_o labrego - Festicultores
4. Reagge dos Mariñeiros - Lamatumbá
5. Foucellas - Os Tres Trebóns e O Vendaval do Rosal
6. Kalindra Xida - Banda Potemkim

E rescatado foi, no noso programa número 13 de mp3 en galego. O do mal número non se viu por ningures. É o mellor gravado ata a data e xa empezo a acreditar na superstición da Lara: o 13 dá boa sorte.

SDQ12. Audio Visual. 1.º castpost de Se descobres que a NASA che rouba os discos de cumbias!!!

2006-06-05T18:31:00.000+02:00

Isto xa non ten nome: a nasa marchounos tamén coas fitas de vídeo VHS! Nós aí a gardar nelas, eses tesouros de carautos dos/as nosos/as músicos/as, neses video-clips en galego ás veces tan "faino ti mesmo", aínda que outras co apoio da tele e todo. Menos val que coa axuda de You Tube, d'A Regueifa e doutras plataformas podemos tamén recuperar os nosos vídeos en galego, o noso Audio Visual:

CARA A: Leo
1. Galicia Sitio Distinto – Os Resentidos
2. Nazis Non (vídeo) /Chupapollas (mpG) – Puta Miseria
3. Non podo máis – The Homens
4. Íscalle Lura (vídeo) /Huele a Cona, Baby (mpG) – Heredeiros da Crus
5. Fodi e Barbaconna – Sangue de Sudre
6. Galician Chimpace – Galegoz

BONUS TRACK: Galicia Caníbal en inglés (It's so fuckin' sunny) e en Euskera (Kriston Eguzkian Dago)

CARA B: Lara
7. Economía Sumerxida – Os Resentidos
8. Prestige Blues – Víctor Aneiros Band
9. Suspiros de Kaña – O Leo i Arremecághona!!!
10. Noutro Lugar – Loretta Martín
11. Lene – Fanny & Alexander
12. O niño do sol (vídeo) /Canto de Cego de Mondoñedo (mpG) – Milladoiro

E, sobre todo, tachán-tachán, podemos anunciar que o programa 12, por fin, inaugura a versión dixital de Se descobres que a NASA che rouba os discos de cumbias, que a partir de hoxe, e aínda que punki mazo e coas limitacións técnicas e artísticas que saltan á orella, o noso programiña de radio Kalimero vaise poder escoitar en calquera parte do mundo (en que haba ordenatas e conexión á Rede, claro). E amais, amais, podedes descargalo e escoitalo nos vosos equipos ou reprodutores de mp3 (ou mpG), que é .wav . Aí vos vai!!!:

sdq12audio_visual.wav
Powered by Castpost

SDQ11. A festa da lingua

2006-06-03T20:52:00.000+02:00

Recuperando o Día das Letras e entrando nas Festas da Ascensión, rescatamos un vinilo duplo, cunha Cara A dedicada ás cántigas que tratan directamente o tema da lingua e a Cara B a temas de música festeira en xeral, ou sexa, auténtica música galega en mp3 de festa e lingua.

CARA A: Lingua
1. Himno do Correlingua
2. Kastrapo Paghuer-Arremecághona
3. Só com falar-Projecto Mourente
4. O son da lingua-Resentidos
5. Rockin’ Chair-Resentidos
6. Contra o noso-Dios ke te Crew

CARA B: Festa
1. Muiñeira de Chantada-Avelino Cachafeiro/Cluan (Austin-Texas)
2. Ponteareas-Reveriano Soutullo/Guláns
3. Andrés do Barro-Panorama
4. GZ-Soniko dB
5. Galicia será Nación-Edilberto Alonso
6. Que me enterrem na discoteca-Projecto Mourente

E así, co aire tirado e de ghanchete, marchamos botarlle unhas pezas pola noite adiante, torreiro da festa incluído.

SDQ10. Música experimentGal

2006-05-31T18:57:00.000+02:00

Mérgullámonos nas propostas máis arriscadas da música galega en galego e mp3. Dende Reixa a Berio Molina, na procura deste vinilo de que a NASA é particularmente amiga de o roubar, por galego, en galego e por raro. Vamos, que as ten todas:

CARA A
1. A vaca de Heidegger – Os Resentidos
2. Aeróbic Torpeza – Nación Reixa
3. Gústanme os teus ollos – Korosi (Cordura)
4. Podedes ir todos á merda – Manuel Seixas (A velocidade do frío)
5. Feira – Manuel Seixas (Presentimento)
6. No puto aquí – Manuel Seixas Neuroband

CARA B
1. A cociñeira que soamente cocinaba ovos cocidos – Elviscristo Furious Machine
2. Nova orde – Narf
3. SOS – Fanny e Alexander
4. Soños – Fanny e Alexander
5. Regueifaun – Berio & Is
6. Regueifadous – Is & Berio
7. Zoupada – Berio Molina (Fola) (deconstrución da gaita de Zappa-Hot Rats-Little Umbrella’s)

Até aquí o cómputo libre en mp3 da música galega máis experimental.

SDQ9. Reixentidos

2006-05-31T18:14:00.000+02:00

Neste 9.º programa fomos de entendidos en Reixa e os Resentidos, de reixentidos, e homenaxeamos ós pais da música galega (pirateable en galego e rock, cada vez cústame máis isto de asaltar os buscadores con palabras clave). De feito, foi a primeira colaboración da nosa crítica literaria persoal, Ana Salgado, que está a preparar un especial coas cancións da música galega (pirateable e en galego, e dálle) con máis calidade literaria.

CARA A
1. A vaca de Heidegger
2. Galicia Caníbal
3. Pandeirada
4. Cumbia China
5. Estamos en Guerra

BONUS TRACK
Aeróbic tropeza - Nación Reixa

CARA B
1. Galicia Sitio Distinto
2. Jei
3. A-Esfínter
4. Sector Naval
5. Rockin’ Chair

Pois esta foi a nosa homenaxe ó Jalifa Reixa, que problablemente repitamos, agora que temos medios, para subila en podcast e que así a poidades escoitar todos/as.

SDQ6. Os máis millores

2006-05-31T16:41:00.000+02:00

Neste programa rescatamos o vinilo dos Greatest Hits da música en galego (da pirateable, por suposto), que a NASA nos chimpara, e que nos doeu especialmente, porque na Cara A estaban os que máis me prestaban a min, e na cara B os que máis lle prestaban á Lara:

CARA A: Leo
1. Ai, ondas que eu vin veer – Martín Códax+Laterna Magica
2. Vals de Belén – Camaxe
3. Galicia Caníbal – Os Resentidos
4. Sangue de Sudre – Fodi e Barbaconna
5. Xenreira – SOKRAM
6. Desaparece – The Homens

CARA B: Lara
7. Reage dos Mariñeiros – Lamatumbá
8. Contra o noso – Dios ke te Crew
9. Kastrapo Paghuer! – O Leo i Arremecághona!!!
10. Só son sons – Presencia Zero
11. Na miña casa non manda ninguén – Ruxe Ruxe
12. Un amor no mar – Camaxe

E despois de botarbos os nosos "chichís" da música en galego (pirateable), temos tamén que dicir que é curioso que o noso amor é igual para todos os emepegués, e que só podiamos escoller 12 dos xa ¡¡¡máis de 700 Megas de mp3 que hai nesta páxina!!! Superada a fronteira psicolóxica do CD. Agora imos a pola do reprodutor: 1 Xiga.

SDQ5. mpG para todos os gustos

2006-05-25T16:59:00.000+02:00

Abandonamos momentaneamente a nosa teima pola dualidade coa Cara A e a Cara B do noso vinilo-programa e pasámonos á multiplicidade total, á modernidade máis derridiana, para demostrarmos que en galego hoxe pódese escoitar calquera tipo de estilo musical, mp3 en galego para todos os gustos:

Pop
Fanny e Alexander – SOS

Canción de autor
Roberto Sobrado – Pan e circo

Patchanka
Lamatumbá – Reagge dos mariñeiros

Antiga
Afonso X – Como poden per sas culpas

Power Pop
The Homens – Desaparece

Funk
Loretta Martin – Catarsis

Tradicional
Camaxe – Vals de Belén

Hard-core
Madame Germen – O mecanismo do medo

Rock
Zenzar – Podes ser ti

Punk
Puta Miseria – Destroyer

Trip-hop
Safari Orquestra – Teño saudade

Hip-Hop
Ghamberros – Estranxeiros

Mi má, canta fartura!

SDQ4. O universo aseméllaselle un mundo a Galiza

2006-05-25T16:35:00.000+02:00

Desta volta rescatamos o vinilo das cancións en mp3 en galego con proxección internacional, dunha ou doutra maneira. Isto si que lle houbo de foder ben á NASA, que se cre a ama do mundo, e nós levamos exportando música dende os tempos de Martín Códax, cando a súa terra (da Nasa) nin sequera era súa.

CARA A: Ondas do mar de Vigo

1. Ai, ondas que eu vin veer – Laterna Magica
2. Como poden per sas culpas – Afonso X
3. En Río de Janeiro – Andrés do Barro
4. Miña Terra – Andee Silver
5. Fai un sol de carallo – Resentidos
5. Ultrabiónicos – Non residentz
6. Os pesos & M Cristal – Camaxe

CARA B: Vigo-Nova York

1. Quero ser tambor – Narf
2. Leverelem – Marful
3. Edu o Rápido - Samesugas
4. Ke non pare o bou – Vicent Jalo
5. Sempre Ceibes – Skacha
6. Berbés - Cenk

Tamén lemos o himno galego en inglés, que o tedes aquí, e a letra de Rockin' Chair, de Reixa, a única canción do mundo que estando en inglés está en galego.

SDQ3. Luv & Hat

2006-05-25T16:08:00.000+02:00

Este vinilo que nos roubou a Nasa, que o recuperamos no 3.º programa Se descobres que a Nasa che rouba os discos de cumbias (se non o descobres, non o recuperamos), trata sobre o Eros e o Thanathos, o impulso do amor e o da morte, as dúas caras desa dualidade que nós reivindicamos coa Cara A e a Cara B do noso programa.

CARA A: Odio

1. Xenreira – SOKRAM
2. Cando morra o vello – Ruxe Ruxe
3. Desaparece – The Homens
4. Sangue de Sudre – Fodi & Barbaconna
5. O mecanismo do medo – MadamGermen
6. Miseria Mundial – Farrapo de Ghaitax
7. Destroyer – Puta Miseria

CARA B: Amor

8. Amor e non acrobacias – The Homens
9. Mil anacos dun amor – Fanny & Alexander
10. Teño saudade – Andee Silver
11. Teño saudade – Safari Orquestra
12. Un amor no mar – Camaxe
13. Ai ondas que eu vin veer – Laterna Magica
14. Amor ei – Codas+Laterna Magica

Pois nada, isto foi a nosa versión dos sonados oito cotenos, de Spike Lee (Fai o que debas), do Cabo do Medo, dos Blues Brothers e, como non, do actor secundario Bob, dos Simpson, que lle dá o título a este disco, porque só ten 6 cotenos (3 por man).

SDQ8. Galiza lusôfona

2006-05-02T17:27:00.000+02:00

Este, regressando da celebração do 25 de abril, da Revolução dos cravos, foi o vinilo que os muito filhos da puta da Nasa nos quisseram pispar con motivo dela. Mas bem atentes que estevemos e velaquí tá o recompilatorio de grupos da Galiza que escrevem e/ou cantam suas composições empregando alguma das opções normativas que achegam o galego com o portugês:

CARA A: Hoje
1. Noutro lugar - Loretta Martin
2. Meu pirinho - Marful
3. Quero ser tambor - Narf
4. Bosta - Non Residentz
5. Baixo os eucaliptos - Projecto Mourente
6. Mais heterossexual (que os heterossexuais) - Projecto Mourente

CARA B: Sempre
1. Ai, ondas que eu vi veer - Martim Codax-Laterna Magica
2. Como podem per sas culpas - Afonso X
3. Leverelem - Marful
4. Catarsis - Loretta Martin
5. Kevin Costner - Non Residentz
6. Que me enterrem na discoteca - Projecto Mourente

E assim ê tudo. Nôs também queremos dizer que apoiamos a variedade das distintas normativas do galego-português, porque gostamos precissamente disso, da variedade, e também achamos que o problema normativo é o mais pequeno dos que padesce a nossa língua na Galiza.

Até.

SDQ7. O rap en Galiza

2006-05-02T16:26:00.000+02:00

Velaquí o recompilatorio de rap en galego -ou de hip-hop en galego- que nos ghispou a NASA e que rescatamos nas ondas o venres 21 de abril, de 23:00 a 00:00, coma sempre:

CARA A: Historia do rap en galego
1. intro - Dios ke te Crew
2. Galicia Caníbal - Os Resentidos
3. Noites de festa - 5 talegos
4. Estranxeiros - Dios ke te Crew
5. Xenreira - SOKRAM
6. Ke non Pare - Dios ke te Crew

CARA B: TeMazo
1. dentro - Lord Keison
2. Tempo - Iron Mon con Gael
3. Bosta - Fodi e Barbaconna
4. Home máquina - Caldeirada co Hevi
5. Kevin Costner - Non Residentz
6. Sangue de Sudre Remix - Fodi e Barbaconna

Aquí vos foi un panorama xeitoso do rap (parte do hip-hop) en galego. Seguiremos subindo máis discos de música en galego e pinchándoos en Se descobres que a Nasa che rouba os discos de cumbias, tamén chamado Sedescóbresque, na Radio Kalimera, 108.5 do dial compostelán.

Deica

SDQ2. A voz do pobo e a voz da rúa 3.3.06

2006-03-04T14:36:00.000+01:00

Aí vai o disco de cumbias rescatado onte:

CARA A: A voz do pobo e a voz da rúa

1. Vals de Belén - Camaxe
2. Mia irmana fremosa - Códax+Laterna Magica
3. Saudade de ti - Safari Orquestra
4. Noites de festa - 5 talegos
5. Xenreira - SOKRAM
6. Somos - Fodi e Barbaconna
7. Violent trens - Vicent Jalo+Violent Femmes+Andrés do Barro

CARA B: Novas dos mpG

1. Quero ser tambor - Narf
2. Edu o Rápido - Samesugas
3. Marea Negra - Zenzar
4. Na miña casa non manda ninguén - Ruxe Ruxe
5. Noutro lugar - Loretta Martin

Abrimos cantando a pelo Non somos de Monforte, traducida in situ para o galego e fechamos, co deber patriótico de repescar no proceloso mar da navegación web as nosas cumbias, coa Marcha do Antigo Reino de Galicia.

Ata o venres que vén, de 23:00 a 24:00, na Radio Kalimera, no 108.5 do dial.

SDQ1. Novas e historia dos Emepegués 24.2.06

2006-03-02T21:23:00.000+01:00

Este foi o disco de cumbias que rescatamos o venres pasado, de 23:00 a 24:00 no 108 do dial compostelán:

CARA A:
1. Lume (Lamatumbá)
2. Treboada (Lamatumbá)
3. Só son sons (Presencia Zero)
4. Apaga a tele (Dios ke te Crew)
5. Licor café (Lamatumbá)

CARA B:
1. Ai, ondas... (Martín Códax+Laterna Magica)
2. Resineiro Engraçado (Zeca Afonso)
3. Moraima (Suso Vaamonde)
4. Nova orde (Narf)
5. Amor e non acrobacias (The homens)
6. Sangue de sudre (Fodi & Barbaconna)

Abrimos coa sintonía, No somos de Monforte, de Siniestro Total, en que aparece a visionaria frase que lle dá título ao noso programa, e fechamos coa Marcha do antigo Reino de Galicia, satisfeitos do deber patriótico cumprido de recuperar os discos de cumbias que a Nasa nos rouba.

mpG = Música Pirateable en Galego

2006-02-27T15:54:00.000+01:00

Ola, este é o espazo na Rede para o mp3 en galego, ou sexa, mpG=música pirateable en galego.

E iso é o que imos subir, nas ligazóns da dereita, clasificadas por xénero, pezas en mp3 que podemos topar libremente na Rede.

Esta páxina é un instrumento técnico do programa de radio Se descobres que a Nasa che rouba os discos de cumbias, que se emite os venres de 23:00 a 24:00 h en Radio Kalimero, radio libre de Santiago de Compostela, no 108 do dial,

a última do ídem pero a primeira no teu corazón.

Saúde e anarquía!